Kīkwāy Anima Cryptosporidiosis?
Cryptosporidiosis ayā mawaci ahkwan sāposowin itāspinēwin ē-tōcikēmaka Cryptosporidium parvum ohci. C.parvum ayā single cell pisiskiw isiyihkātēw protozoan.Ācimostakewin kīkway ōma protozoan parasites kici miskikatew “What is a Protozoa?” masinahikan.Mihcēt pitos itowahk Crysptosporidium ihtakon tā-āsōskama ayisiyiniw ahpo pisiskiw kici, māka C.parvum mawaci nīkānipayiw.
Astew takisyi ayisiyiniw ēkwa mīna nanatohk pisiskiwak wāwīs oski mostowak ēkwa mīna sisiwēpayin kispin ayisiyiniw ahpo pisiskiw miciw miciwin ahpo nipiy minihkwew kā-kē-misiwanāta asici oocysts (āsōskamakewin ohci ōma parasite). Nistam kā-māyahkamikwa ohci cryptosporidiosis pihci ayisiyiniw ayā 1976 ēkwa mīna māwaci nisitawēyihtākwan tā-miskikatēk itāspinēwin ayisiyiniw kici ēkwa misiwe askiy nokwan mīna. Itāspinēwin ohci Cryptosporidium tā-kē-ispayin ohci exposure ayā minihkwewin nipiy ahpo mētawēwin nipiy, pēyakwan pakāsimowin kamik.
C.parvum ayā enteric (pīhci takisiy) pathogen. Mīna ohci oocysts nēwo isko niyānan micrometers ayā diameter, ēkosi āyiman tā-otinikātēk nipiy ohci filtration asici. C.parvum manācihāw wayawītimihk akwanahikan asici, isiyihkātew kispakēwin oocyst, kinwēsis mīna pimatan wayawītimihk miyaw, ēkwa mīna chlorine resistant ēkwa tā-sīkopwātinikatek āyiman kīkway tā- itocikatek kawiya tā-yāhkipayik cryptosporidiosis.
Pimātisiwin
Infective stage ohci Cryptosporidium isiyihkatew oocyst. Ayā oocyst ihtakon mitoni maskawāw “shell” wāsakām nēwo pāh-pēyak parasites. Mwēstas kā- kitāpayihtāyin oocyst, shell pīkopayin ēkopsi parasites pakitinawak. Isiyihkatew ōma excystation (itōcikan ayā organism paspīnew ohci “aswacikanis”).
Ōki parasites pīhtikwēwak cells pīhci apisci takisiy ēkwa māci ohpikiwak. Mayaw parasite cells yahkemowak, nīso itowahk oocysts osīhcikāsowak.
Papakāsin oocysts kā-mācihtāt kotak cycle omikīwin ohci.
Kispakāw oocysts kā-pīhtikwē environment ayā mēyiwin ohci ēkwa mīna kē-āsōskamawawak kotakak pisiskiwak.
Mayaw pītos stages parasite wayawīwak host cells ohci, nipahawak ōki cells ēkwa immune system mācipayin. Misiwanācihēwin ohci takisiy cells ēkwa mīna waskawīmakawin immune cells ohci pihci ōma, tōcikēmakan mōsihēwiwina kā-wapahcikatek mekwac C.parvum āsōskamawin. Omikīwin māna limited isko takisiyi, māka immuncompromised ayisiyiniw ahpo pisiskiw, ohpime mīna tā-kē-māyiskawaw.
Diagram ohci Cryptosporidium Pimātisiwin
Cryptosporidium Yāhkipayiwin
Cryptosporidium ta-ki-nōkohcikēw seasonal distribution, asici ēsa māyahkamikana mawaci mistahi sīkwanohk ēkwa nīpinohk ēkospi kistikēwin mēkwāc ayā peak season. Ēkwa mīna kistēyihtākwan yāhkipayiwin māna nawac āstamipayin namōya tapiskoc ōhi kawiya kā-kistēyihtākwahki. Tāpwē, akihcikewin kē-osihtawak ayā piko 1% ohci māyahkamikwana kē- kistēyihtākwana. Distribution ohci Cryptosporidium misiwe askiy, miskikatew 95 askiy ēkwa mīna tahto continents. Yāhkipayiwina kē-wapahcikatew misiwanāhcikewin minihkwewin nipiy, mētawēwin nipiy ēkwa misiwanātan miciwina.
Kihci-Mōhkomānaskiy itēyihtākwan tā-ispayik yāhkipayiwin ayā ōte Milwaukee ēkospi 1993 tānispī 403,000 ayisiyiniwak ohci ahkīmowin 800,000 kē-omikīwak C.parvum asici. Itēyihtākwan minihkwewin nipiy kē- misiwanātan ēkospi anima filtered nanātawihiwēwin nipiy kēhciwak ispayin asici askiti ēkwa namōya nanātawihiwēwin nipiy. Significance ohci ōma Cryptosporidium yāhkipayiwin kē-misaw asici māwacihcikewin itakisowin ayiwak $25 billion Kihci-Mōhkomānaskiy (National Research Council 1999).Tāpwē māwaci kihci-ōtēnawa misiwe askiy māci wawānēyihtamwak ohci potential liability minihkwewin nipiy kā-wēyōtan ēkosi kanawapahtamwak tā-nanātawihtakwaw nipiy ēkosi kē-itēyihtākwa national guidelines ahpo regulations. Kīsināc, mihcet apisci ōcēnāsa namōya cēskwa kaskihtāwak sōhkē minihkwewin nipiy quality guidelines kici tā-ispayik.
Ēkoma Table ohci notable cryptosporidiosis yāhkipayiwin associated asici minihkwewin nipiy Kihci-Mōhkomānaskiy. Ōta Kānata ōcēnās ōma NōtinitowiSīpīhk (14,000) ayisiyiniwak kēhciwak kē-ispayin ōma Cryptosporidium ēkwa mekwac Provincial Health Agency ohci itwewak 1,200 māyahkamikwana Cryptosporidiosis Health Kānata itwewak ēkoni māyahkamikwana nanitaw 7,000 pēyakwan Milwaukee ohci 50% rate.
Kē-ispayinwa mīna māyahkamikana ohci mētawēwkamik yāhkipayiwin ōte Kihci-Mōhkomanaskiy. Ōhi yāhkipayiwina kē-ohcipayin ohci kapēsiwikamikwa pakāsimowina, ēkwa niso kotaka ohcipayinwa ōcēnās pakāsimowikamik. Namōya kaskihtāw tā-nipahtāt Cryptosporidium spores ayā chlorine ēkwa mīna kitimāki pamihtawin ohci pool sīkopwātinamowina kē-itēyihtākwan ohci kā-ispayik yāhkipayiwin. Ēkwa mīna kiskēyihtākwan mētawēwin sākahikan kē-misiwanātan ochi omikīw pakāsimo-ayiniw ahpo misiwanāhcikewin runoff.
Kotaka yāhkipayiwina kē-ispayinwa UK ēkwa kē-ohcipayin kistikē-kiyokēwin ēkwa mīna nipiy pimātan yāhkipayiwin itāspinēwin, ēkota ohci kē-itwewak sīkopwātinikewin namōya kwayask kē-ocihcikatew tā-pamina mistahi oocysts ahpo namōya kē-atoskēmakan kwayask.
Ōta Kānata, kitimāki rural nipiy ohtacihowin ēkwa mamāyi nipiy nanātawihiwēwin ispayin minihkwewin nipiy namōya miyosin mihcet ayisiyiniw kici. Cryptosporidium ayā kīskeyihtākwan parasite asici pimātan nipiy itāspinēwin. Māmawi kahkiyaw ōhi elements ohcitaw yāhkipayiwin tā- kē-ispayin. Apisci levels ohci ōma parasite kē-miskawaw ayā national survey minihkwewin nipiy ohci kā-osihtatwaw ōki Itamahcihowin Kānata. Apisci piko organisms nōkosiwak,māka yāhkipayiwin ohci miswanātan nipiy ēkwa mētawēwin nipiy kē-kīskēyihtākwan mihcet kā-piskihtahastāhk.
Kīkwāy Mōsihēwiwin ēkwa mīna Incubation Tānimayikohkēskamik?
Ohci ōma acute itāspinēwin (kitāstapiwēw ēkwa pimitisahikatew nōhtaw māka āhkwān itāspinēwin) asici C.parvum ayā takisiy, tracheal (tracheal(‘kohtaskwayāpiy’) ahpo pulmonary (ohpanak) cryptosporidiosis. Mawaci mōsihēwiwin cryptosporidiosis ohci anima nipīwi sāposowin. Kotaka mōsihēwiwina kisiwaskatēwin, nōhtēpwākomowin, pwākomowin, nōhtēyapākwewin,kisisowin(mitōni ohci kisisowin ayā namōya ayiwak 37.8° C ahpo miciskakisiy kisisowin namōya ayiwak 38.4°C ēkwa mīna namōya kīkwāy kisisowin 37.°C), nēstosiwin, nēsowātisiwin ēkwa yāhkitisiwin. Pulmonary ēkwa tracheal cryptosporidiosis pihci ayisiyiniw ispayin asici ostostotamowin ēkwa mīna low-grade kisisowin. Atiht ayisiyiniwak tā-ispayinwak asymptomatic (namōya mōsihēwak mekwac itāspinētwaw. Mōsihēwiwina tā-kē-nōkwan piko ispī 2 isko 10 kīsikāw mwēstas itāspinēwin, māka nawac māskoc piko nēwo isko nikotwāsik kīsikāw.
Tānimayikohkēskamik Mōsihēwiwin isko?
C.parvum omikīwin ayā self-limiting ēkwa ayisiyiniw asici kā-maskawātisiwin immune system ahkosiwak pēyak isko nīsi ispayin pāmwayēs omikīwin mācinamatakon. Atiht āsōskamawaw ayisiyiniw namōya āhkosiw, māka ayā immunocompromised otāhkosiwak (otāhkosiwak asici nēsowātisiwin immune systems),nawac ayiwak sōhkēpayiw ēkwa mīna nawac kinwesis ispayin piko mīna āhkosīwikamik tā-ayātwaw. Ahpō mīna māskōc cryptosporidiosis tā-kē- ispayin (kinwes) ēkwa, askaw,sisikotahpinewak ēkwa mīna atiht omikīwak tā- kē-pihtopayiw C.parvum oocyst (omikīwin parasite particle wiyawaw ō- mēyiwin kinwesis pisim kici,kiyam ahpo kā-ponī ahkosit.
Tanisi isi Kiskeyihtakwan?
Cryptosporidiosis namōya tā-kē-wāpahcikātēw ayā mōsihēwiwin piko asici ayis nipīwi sāposowin mōsihēwiwin mihcet mitakisiy itāspinēwina ohci bacteria, viruses ahpo parasites. Ātiht mēyiwin samples pasci mihcēcis kīsikāw piko tā-wāpahcikātēk mahti ē- kē-āsōskamakowiyin. Kispin cryptosporidium kā-itocikemaka mitakisiy āhkosiwin,piko ohcitaw kotak tā-wāpahcikātēk ayis namōya wāpahcikātēw Cryptosporidium mihcet laboratories.
Niya cī Nā-Kē-Paspinatēn ōma Itāspinēwin?
Omikīwin mawaci sōhkēyihtākwan awāsisak kici ēkwa immuncompromised otāhkosiwak.Cryptosporidiosis complications tā-kē-ispayin mekwac kā- kikiskawāwasow iskwēw ēkwa mīna ayisiyiniw kā-kakwātakihtāt sōkāwāspinēwin ahpo minihkwēskiwin ohci. Sāposowin ēkwa nōhtēyāpakwewin kinwēsīs kici tā-kē-kakwespaneyihtākwan ayā cryptosporidiosis ohci, wāwīs awāsisak,kēhtē-ayak,ēkwa kā-nesowatisit ayisiyiniw. Cryptosporidiosis mawaci āhkwan ēkwa kinwēs ispayin immuncompromised ayisiyiniwak ēkwa mīna tā-kē-misiwanācihtāw kipimātisiwin atiht māyahkamikwana.
Tanisi isi Cryptosporidium Sisiwēpayin?
Cryptosporidium tā-kē-miskikātēw asiskiyi,miciwin ēkwa nipiy,ahpo waskic surfaces kā-misiwanāta asici ō-mēyiwin ayisiyiniw ahpo pisiskiw ohci kā-kē- āsōskamah.Mēyiwin ohci mostoswak ihtakon mistahi Cryptosporidium spores ēkwa nipiy cīki tā-kē-misiwanātan ēkospi ōma kā-misikimiwa run-off ispayin mēyiwin asici nipiy ohtacihowin. Pīsi-kiscikānis mīna tā-kē-misiwanatan kispin kitastan misiwanātan nipiy mēyiwin pihci kistikān ēkota crops kā- ohpiki.
Cryptosporidium namōya sisiwēpayin mihkowin ohci, māka sisiwēpayin (mīciwin, nipiy) ohci kēhciwāk kā-kē-ispayik asici mēyiwin ohci omikīw ayisiyiniw ahpo pisiskiw. Ēkwa mīna kā-kē-āsōskamakawin ohci mētawēwin nipiy (i.e. pakāsimowin, kisitēw mahkahk etc.) kā-kē-misiwanāta asici Cryptosporidium.
Wēhcasin cī Tā-Āsōskamah Ayisiyiniw?
30 oocysts tā-kē-āsōskamakewak, māka nawac mistahi oocyst’s ayiwak āsōskamakewak. Nēwo kīsikaw mwestas āsōskamakewin, microscopic oocysts pinawēw pihci mēyiwin isko 1-10 billion pēyak kīsikaw. Pinawēwin tā- kē-ispayin 3-12 kīsikaw ayā mostoswak kici ēkwa 18 kīsikaw ayisiyiniw kici. Kipsin ōki parasites ayā distributed ōma infective dose (3000cysts/ayisiyiniw) tahto ayisiyiniw ōta askiy tā-kē-ayawak cryptosporidiosis ohci pēyak kā- omikīt ayisiyiniw. Mayaw oocyst pinawēwak, tā-kē-āsōskamakewak kotak pisiskiw ahpo ayisiyiniw kici.
C.parvum oocysts tā-kē-pimatisiwak 18 pisim kici, kispin environment tahkāyāsin ēkwa nīskāyāw/sāpopēw ēkwa mīna kwayask nokwan pihci sākahikan ēkwa kotaka nipiy ohtacihowina kā-kē-misiwanāta asici sewage ahpo mēyiwin. Oocyst kā-pāsotwaw nipiwak namōya kinwēsīs, ēkosi kispin pāstew oocyst pāmwayēs nipiy tā-ispayik ēkwa ayisiyiniw/pisiskiw tā- minihkwet, namōya tā-kē-āsōskamakewak oocysts. Spores māna susceptible ayā āhkwatin temperatures, māka mēskwacipayiwin papāsi ēkwa mīna extreme. Nisīhkac/Kinwēs āhkwatiwin, pēyakwan ayā environment, namōya nipahewak ōhi spores..
Kīkway Na-Kē-Itotine Kawiya Tā- Kāhcitinaman Cryptosporidium?
Kahkiyaw cryptosporidiosis omikīwin ohcipayin mīciwin ahpo ohtatāmowin oocysts ohci, ēkosi mawaci preventions ayā miyosin kawiya kehciwak tā- ayayin asici ōma organism. Māwaci itōtamowin kawiya tā-āhkosiyin asici cryptosporidiosis ayā tā-kocīyin takahki kanācihowin, paspīna nipiy ēkwa mīciwin kā-misiwanāta ēkwa mīna paspīna miyiwin mēkwac masiwēwin.Mihcecis nakāhikewina kā-wapahta nipiy kwītawēyihcikān. Atiht ōhi masinahikatew ōta,
Tapowecikewin strict standards kici nipiy purification ēkwa sīkopwātinamowin tā-apacihtayin sīkopwātinamowina asici pore ispīhcāk ayā 1-2 micrometers (Ōma tā-kē-kiposkam 4-5 micrometer C.parvum spores ohci kawiya tā-pīhtikwēt pihci nipiy).
Kocihta test purified ēkwa unpurified nipiy supplies wāh-wīpac tā- kiskeyihtamin mahti C.parvum oocysts ē-kē-astēw. Piko ōma kici misi ōtēnāw asiwacikan kici ayis test sōhkakihtēw. Kēhcināhowin nipiy kwayask ē-osīhcikātēk nawac miyosin nanātawihtawin itōtamowin.
Osa nipiy kispin minihkwewin kici kanakē pēyak cipahikanic. (Kīsisa isko 72.4°C (162.3° F) ahpo ayiwak kici pēyak cipahikanis ayā kipihtinam C.parvum oocysts namōya tā-āsōskamakewin).
Āta namōya 100% guaranteed ayā mōtēyāpisk nipiy ē-paspīw C.parvum oocysts, itēyihtākwan kispin ki-papāmācihon ēkota ōna namōya miyosin nipiy, mōtēyāpisk nipiy piko tā-kē-minihkwe.
Āpacihta micro sīkopwātinikan nipiy tā-sīkopwātinamin asici pore ispīhcāk pēyak micrometer ahpo āpisāsin nawac. Sīkopwātinikana tā-kē- masinahikatek ‘Absolute’ ēkwa mīna nakiskātam ‘Cyst Removal’ standards. Sīkopwātinikan tā-kē-mēskotōnikatek wāh-wīpac ēkwa mīna immunocompromised tā-kē-ahēwak astisa kispin mēskostastawak sīkopwātinikan, ahpo kotak awiyak tā-kē-mēskostastat. Āpacihcikana tā- kē-pāstēk kinwēsīs ayis ōma sōhkēpayin tā-nipahtāt Cryptosporidium.
Tanisi Isi Nā-Kē-Kipihtinēn Kawiya Tā-Āsōskamawak Kotak Awiyak?
Cryptosporidiosis kwayask tā-kē-āsōpayiw.Māka kā-kē-nakāhin kawiya tā- sisiwēpayik kotakak awiyak ohci tapitaw tā-kisīpēkicihcēyin pāmwayēs paminawasowin ahpo māci-mīcisowin,ēkwa mīna kā-pōni-āpacihtāyin wayawīstamāsowikamik.Ēkwa mīha kistēyihtākwan kawiya tā-pakāsimoyin mētawēwikamik nipiy kispin kitayan cryptosporidiosis ēkwa tā-pēhoyin kanakē nīso ispayin mwestas sāposowin kā-pōnipayik.Kotakak pakāsimowak ahpo namōya manācihawak chlorinated pools ohci,ayis Cryptosporidium ayā chlorine namōya sohkeihtākwan. Ēkwa mīna kā-kē-nakinin mēyiwin exposure mēkwāc matēwin.
Tā-Kē-Ay-Apiyan Cī Ohci Atoskēwin/Kiskinwahamtowikamik Kispin Nī-Kē- Āsōskamakawin?
Namōya katāc tā-patahamin atoskēwin/kiskinwahamākēwin mēkwāc kē- omikīyin. Omisi-isi kēhciwāk asici kotak ayisiyiniw namōya kā-kē- āsōskamakan cryptosporidiosis. Māka, kīspin mīciwin ki-paminēn, namōya ēkōma tā-kē-itōtamin iskohk tā-āstē-ayāyin. Ēkwa mīna awāsisak namōya tā-kē-kanawēyihcikāsow daycare. Awāsisak asici C.parvum tā-kē-ay-apiwak mēkwāc sāposowin kā-ayāt kawiya tā-sisiwēpayik kotak awāsis ēkwa otatoskēwak daycare ohci.
Kīkway Nanātawihiwēwin Crytosporidium Kici?
Mēkwāc namōya kīkwāy kiskēyihtākwan nanātawihiwēwin cryptosporidiosis kici.Ayisiyiniwak asici maskawātisiwin tā-āstē-ayāwak kisac ēkwa nōkwan tā- āstē-ayātwaw atiht immunity ayiwak omikīwin ohci. Sisikoc namatakowin nipīywin ayis sāposowin ohci kā-kē-pihkohtān asici hydration therapy ēkwa mīna kā-kē-āpacihtan namōya sāposowin kici maskihkiy. Ayisiyiniw kā-ayāt AIDS tā-kē-itōtam antiretroviral therapy tā-acowihtat pathogen excretion ēkwa tā-ahciwinam sāposowin mōsihēwiwin.Nanātawihiwēwin kici cryptosporidiosis kēyāpic oshitawak, ēkosi mawaci miyosin tā-nakīnamin tā-pimitsahamin ōma method kawiya tā- kāhcitinamin.
Tānimayikohk Ihtakon ōma Cryptosporidium Pihci Nipiy?
Cryptosporidium ayiwak nōkwan pihci mostaskamik nipiy ispic atāmipēk. Mostaskamik nipiy tā-kē-misiwanātan ohci sewage kā-pakitinkātēk kā- misiwanāta nipiy nanātawihiwēkamik,ahpo pimiciwanis ohci agricultural pimipayihtāwin ēkwa kihci-ōtēnaw. Pakwāci-pisiskiwak mīna ohci tā-kē- ohcipayin nipiy pimātan cysts pēyakwan ayā Cryptosporidium. Disinfection ēkwa filtration processes kā-āpata mostaskamik nipiy nanātawihiwēkamik tā-kē-otinam Cryptosporidium askaw,maka marginal rural nipiy nanātawihiwēkamik kā-nanātawihtat kitimaki nipiy ayā kwētawitēyihtamwak tā-ōtēnatwaw ōhi parasite.Mihcēt itāspinēwin ispayin ahpo mīna sisikoc mēskwacipayin ayā askitin nipiy ohci.Ōhi mēskwacipayinwa namōya tā-kē-miyostāw ayā disinfection piko ohci ayis ōma chlorine-resistance ayā Cryptosporidium. Nipipy ohci mōnahipāna namōya tā-kē-astēk Cryptosporidium ayis asiskiy tā-kē-sīkopwātina misi particles pēyakwan ōma protozoan pāmwayēs otihcikatewin ēkwa kanaweyihcikatewa mōnahipāna, namōya influenced ohci mostaskamik nipiy tā-kē-astēk oocysts.
Tānimayikohk Misiwanātan Minihkwewin Nipiy ohci Kā-Sisiwēpayik Cryptosporidium?
Misiwanāhcikewin minihkwewin nipiy māwaci kiskēyihtākwan ē-ohcipayin C.parvum kā-itōtah misiwē itē ayisiyiniw āsōskamakewina. Pēyak kehcināhowin ohci mostaskamik nipiy pihci 14 Kihci-Mōhkomānaskiy ēkwa pēyak Kānata piskihtahastāhk, itwēmakan 87% ōhi sites astēw. Cryptosporidium species pihci askitin nipiy. 39% nanātawihiwēwin effluent sample miskikatewa tā-āstek Cryptosporidium. Kotaka ōhi tāpwēwakēyihtawina, 78% nakiskātam EPA kiskinohtahiwēwina kici manācihtawin levels ohci nipiy pimātan pathogens.
Miyosin cī Nipiy? Tanisi isi Tā-Kēhcināhowyan Ē-Miyosik Nipiy?
Katawi tā-pōskwahikātēk ēkwa tā-kanawēyihcikātēk mōnahipāna ayā atāmipēk namōya māskōc tā-asiwatew mahki particles, tāpiskōc Cryptosporidium, ayis ohci natural sīkopwātinamowin kā-ispayik mayaw nipiy wāpōhkēw nīhcāyihk sāpo asiskiy.Pāhkwā ahpo mamāyīhtawin mōnahipān ayā tā-kē-misiwanatan ohci mostaskamik nipiy pimiciwanis tā-kē-astew itāspinēwin tōcikēmakan pīwinamowin. Kistēyihtākwan tā-kiskēyihtamin mōnahipān kwayask ē-manācihta kawiya tā-misiwanāta. Oyakihcikewina ihtakon miskawāhtāwin Cryptosporidium oocysts kici pihci nanātawihiwēwin ēkwa (namōya nanātawihiwēwin) nipiy. Oyakihcikewina procedures ayā involves sīkopwātinikewin misi volume ohci nipiy sāpo sīkopwātinikan tā-osihcikatek concentrated nipiy sample tā- āpacihta kici analysis. Māka sōhkakihtēw ēkwa tocikatēw ōcēnās nipiy atawewina piko kici.
Kīkwāy ayā Atiht Nā-Kē-Itotine Tā-Manācihtāyan Nipiy Tā-Miyosik?
Misahkamik barriers nitawēyihtākwan tā-manācihta nipiy asciwacikana ohci Cryptosporidium. Chlorine disinfection ohci organism ayā namōya apatan, kē- nokwan pēyak piko oocyst ayā namōya nipahaw wāpiskihtāwin piko asici ēkwa mīna keyapic tā-kē-āsōskamakew.Ēkosi, nipiy nanātawihiwēwin kici otinikatewin ōma Cryptosporidium aspēyimēw katawa osihcikatewin ēkwa paminayihtāwin sīkopwātinamowin systems kici, ēkwa mana astēw atiht sīkopwātinamowina ēkwa ēkwayikohk-ohci-āpacihtāwin sīkopwātinamowin porosity ayā <1 um., tā-kēcikonit Cryptosporidium ohci minihkwewin nipiy. Namōya kahkiyaw sīkopwātinakana kēcikonamwak Cryptosporidium, ēkosi piko tā-pisiskēyihtamin kā-atāwēyin sīkopwātinakan. Sīkopwātinakana asici itwēwin reverse osmosis ahpo sīkopwātinakana tāpiskōc pēyak micron ayā ispihkac kwayask apatan kici tā-kēcikona Cryptosporidium
Kispin keyapic namōya kā-cīhkēyihtēn nipiy ē-manācihta mayaw ē-ponī- sīkopwātinikatek, piko tā-cīhkēyihtamin ayā nipiy tā-ohtēk pēyak cipahikanis kici tā-nipahtat pathogens kispin kē-āstēwa ēkota. Kispinispimihk altitudes, pēyakwan waciya, nipiy tā-kē-osamin ayiwākēs.
Nipiy nanātawihiwēwin tā-pēyakot namōya ēkwayikohk tā-miskwēyihta ōhi nihtāwēyihtamowina. Kwayask pamihtawin nipiy nanātawihiwēwin-kamikwa namōya astēw Cryptosporidium. Nipiy-kamik manācihtawin ēkwa nitawāpēnākēwin ohci nipiy quality mīna kistēyihtākwan. Askiy āpacihtawin tāpiskōc septic system regulations ēkwa māwaci iyikohk pamihtawin tā- kaskihtā run-off pisiskiw ēkwa ayisiyiniw mēyiwin tā-kaskihtawak ohci kawiya tā-pīhtikwē pichi ōhi nipiy ohtācihowina.