Kīkway anima Hepatitis A?
Hepatitis ayā isiyihkātēw pāh-pītos āhkosiwina kahkiyaw itōcikēmakan pākipayiwin miskon ohci.Minhihkwewin iskotēwāpoy ēkwa kā-otinamin macimaskihkiya tā-kē-itōcikēmakan Hepatitis A,maka mina tā-kē-itōcikēmakan viral omikīwin ohci.Hepatitis A itāspinēwin itōcikēmakan Hepatitis A Virus (HAV).Mawaci mistahi mana ōma hepatitis,tēpiyāhk 1.4 māwaci-kihcimitātahtomitanaw ēsa māyahkamikana ōma misiwe askiy mīna tahto askiy.Nikotwāsik astew pāh-pītos Hepatitis viruses (A,B,C,D,E,G)-Hepatitis A ēkwa E piko ōhi nīso kā-āsōpayiw.Kici ācimostakewin mahti wāpahta “Virus” masinahikan.
Kīkwāy Mōsihēwiwin ēkwa mīna Incubation Tānimayikohkēskamik?
Mawaci mana ōhi mōsihēwiwina Hepatitis A kici: osāwipayiwin (osāwi asakay ēkwa mīna kā-wāpiskak kīskīsik ohci ayā billrubin ohci (osāwāpān pigment) mihcētwāw itōcikēmakan miskon nayēhtāw-āyā ohci), nēstosiwin, wīsakēyihtamin ocēstatay, tēyistikwānēwin, wīsakēyihtamin kihciniskēhk katay sīpā kīspikay, nōhtē-pwākamowin, namōya nōhtē-mīcisoyin, kaskitē sikiwin, sāposowin ēkwa kisisowin. Mōsihēwiwina nōkwana 15-50 kisikaw mwestas kā-nōkwahki ayā Hepatitis A virus (HAV), asici 30 kisikaw ayā nawac ppiko. Mōsihēwiwina namōya sohkepayin awāsisak astamihk nikotwāsik itahtopiponēwak kici.
Tānimayikohkēskamik Mōsihēwiwin isko?
Mōsihēwiwina tā-kē-namatakonwa pāsci nikotwāsik isko nīsosāp pisim isko tā-kīsihtāt āstē-ayāwin Hepatitis A tā-namatakon sēhkē. Mayaw ponī āhkosit ayisiyiniw, namōya kāwi tā-kē-otihtik HAV.
Tanisi isi Kiskeyihtakwan?
Maskihkīwiyiniw mōyēyihtam ē-ayāyin Hepatitis A kwayask kā-kanawāpamis. Kispin omikīwin itēyihtakwan, ki-mihkom tā-wāpahcikātēw mahti oskonāhpinēwin ēkwa mahti antibodies HAV ohci ē-kē-āstek. Antibodies wīhtamwak mahti ē-kē-ayāwin ōma virus.
Niya cī Nā-Kē-Paspinatēn ōma?
Mōsihēwiwin HAV ohci kinwesis ispayin, ēkwa mīna maka māskōc tāpitaw namatakon.
Tanisi isi Hepatitis A Sisiwēpayin?
HAV sisiwēpayiwin ayisiyiniw-isko-ayisiyiniw sāpo mīciwin ahpo nipiy kā-misiwanāta ohci mēyiwin Hepatitis A kā- āsōskama ayisiyiniw. Ayisiyiniw kā-āsōskama ō-cihciya tā- kē-āsōskamakew ohci ponī āpacihtat mīsīwikamik ēkwa ōma virus sisiwēpayiwin ahpo kā-paminamin mīciwin, minihkwēwin ahpo kotaka kīkwāya. Ayisiyiniwak tā-kē-āsōskamākēw niso ispayin pāmwayēs mōsihwēwina tā- nokwanwa.
Kīkway Na-Kē-Itotine Kawiya Tā- Kāhcitinaman Hepatitis A?
Hepatitis A omikiywin tā-kē-patinam ayisiyiniw kispin kwayask kanāciho.Kisīpēkinicihcē kā-ponī āpacihtayin mīsīwikanik, pāmwayēs tā- paminamin mīciwin. Tā-cīstahowikowiyin mīna pāmwayēs papāmācihowin, ēkwa kawiya tā-minihkweyin nipiy ēkota ohci ēkwa mīna kawiya mīci askiti mīciwin ōcēnāsa ohci ēkwa kotak askiy ēkota Hepatitis A kā-ihtako mīna tā- kē-kipihtinam āsōskamowin.Asici 21st century maskihkiya, Hepatitis A yāhkipayiwin tā-kē-nakīnikatew.
Tanisi Isi Nā-Kē-Kipihtinēn Kawiya Tā-Āsōskamawak Kotak Awiyak?
Mēkwāc kwayask āsōskamakewin, kēhcināhow kwayask tā-kisīpekinicihcēyin kā-ponī āpacihtayin mīsīwikamik ēkwa mīna kanācihta wayawīstamāsowikamik ēkwa mīsīwoyākan nahapīwin, miciminikan, sīkinikēwina ēkwa mīskotōn-atōspōwinānāhtik. Kawiya mātinamāto āpacihcikana, kotaka pamihiwēwina ahpo pamina miciwin kotakaka kici.
Kīkway Nanātawihiwēwin Hepatitis A Kici?
Mihcēt ayā kā-māyahkamikwa, Hepatitis A namatakon, namōya kīkway maskihkiya asici. Nanātawihiwēwin maskoc tā-kē-aste-ayayin mōsihēwiwin ohci ēkwa mīna kawiya tā-sisiwē payik HAV kotakak kici.
Tānimayikohk Ihtakon ōma Hepatitis A Pihci Nipiy?
Hepatitis A ayā wāh-wīhkāc nokwan nipiy nanātawihiwēwin systems ohci, maka nipiy ohtācihowin ēkwa pamīstākēwin pihci rural ēkwa First Nations ōcēnāsa ōta Kānata kwayask kitimākan ēkwa mīna pakitinam virus tā- pīhtikwēt nipiy ēwako ōma tā-minihkwe kici. Nipiy piko tā-misi wanātan kispin ayā āsōskamawaw ayisiyiniw kēhciwāk kā-kāhcitina pāmwayēs tā- minihkwet ōma nipiy. Kispin ki-papāmitohtan ohpimēaskiy, kawiya minihkwe nipiy, piko mōteyāpisk ka-asiwatek, miskwamiy ahpo askitin miciwin ayis ahpo itikwe nipiy source tā-kē-misiwanātan .
Tanisi isi Nā-Kē-Manācihtān Nipiy?
Kehcinaho nipiy source ē-kanāta ēkwa kwayask ē-kanaweyihcikatek. Nipiy nanātawihiwē-kamik astawak nipiy nistwaw pah-pitos ayā nanātawihiwēwin tā-kehcinahot nipiy ē-miyosik tā-minihkwe.